गीतावली

• 
  

1)jay jay prathamesha Download song

2)Rim Zim Rim Zimdownload song

 3)Himalayashi Sangati NateDownload song

4)Ali paru shalela Download song

5) Hamako man ki shakti dena Download Song

6) Aanandache gane Download Song

7) Jay sharade Jay sharade Download Song

8) Karito parthna Download Song

9)Bhool Kar Ham Bhed Download Song

10)Sharade Jay Sharade. Download Song

11)   Tumha Pahata   Download song

12) Dhoy Dhoy Paoo Download Song

13)Unch Unch Gagnat.Download Song

14) Jay tu shorya shalinDownload Song

आली आली पारू शाळेला

आली आली आली पारू शाळेला
शिक्षणाचा शुभारंभ झाला 

अज्ञानावर प्रहार हा पहिला
आली आली आली पारू शाळेला

बाई गुरुजीच्या मुखी मायेचा झरा
लाजरी बुजरी पारू लागली बोलू तरतरा
ओढ शाळेची लागली मनाला 

केले दंडवत विद्या आराधनेला
आली आली पारू शाळेला

खेळ गाणी गोष्टीमुळे सरली भीती
क्षमतांच्या सागरात डुंबली किती
निसर्ग सारा तिचा मित्र झाला

केले आपलेसे वाऱ्या पावसाला
आली आली पारू शाळेला

मूल्य शिक्षणाचे बीज मनी रुजले
बाल फुल शाळेमध्ये फुलू लागले
हक्क आपुला तिला हा मिळाला 

नाही डरनार ती अन्यायाला
आली आली आली पारू शाळेला

आनंदाचे गाणे

चला चला गाऊ चला आनंदाचे गाणे 

आनंदाचे गाणे गाऊ आनंदाचे गाणे ||धृ||

फुलपाखरांचे पंख घेऊनी 

उडू बागडू धुंद होऊनी 

वाऱ्यासंगे नाचू चला छेडू या तराणे ||१||

फुलाफुलांचे रंग घेऊ या 

झाडे जशी उंच तसे उंच होऊ या 

हिरवे हिरवे रान सारे ,हिरवी हिरवी पाने ||२||

आभाळात काहीतरी नवे पाहू या 

नवे नवे पाहताना नवे शोधू या 

गीत नवे शब्द नवे गाऊ या नव्याने ||३||

आभाळात काहीतरी नवे पाहू या 

नवे नवे पाहताना नवे शोधू या

गीत नवे शब्द नवे गाऊ या नव्याने ||४||

           हिमालयाशी सांगती नाते

हिमालयाशी सांगती नाते सह्यागिरीचे कडे 

जय महाराष्ट्र जय महाराष्ट्र जय निनादती चौघडे ||धृ||

दगडांचा हा देश छाती दगडाची याची 

अभंग आवेशाच्या मागे स्फूर्ती शिवबांची 

राष्ट्रधर्म हा एकच तारा बुद्धी शक्तीच्या पुढे ||१||

गडागडावर कड्याकड्यावर इतिहासाच्या खुणा 

मनामनावर मंत्र घालुनि देत नव्या प्रेरणा 

मान रक्षिण्या इथे शिंपले रक्ताचे किती सडे 

राष्ट्रधर्म हा एकच तारा बुद्धी शक्तीच्या पुढे ||२||

संताचा हा देश, सोयरा पीडित दुखीतांचा 

वीरांचा हा देश आक्रमक रक्षक दीनांचा 

तळपत राहील सदैव जोवर चंद्र सूर्य हे खडे 

राष्ट्रधर्म हा एकच तारा बुद्धी शक्तीच्या पुढे ||३||

             करितो प्रार्थना हे दाता

करितो प्रार्थना हे दाता तुज, मंगलता ही लाभो

ज्ञान कणांनी वर्षुनी आम्हा विनम्रता ही लाभो ||धृ||

दे बुद्धी दे, दे शक्ती दे, दे आशीष दे तू सर्वांना

दे युक्ती दे, दे भक्ती दे, घे चरणी घे तू सर्वांना

विनंती करितो, हे दाता तुज, कोमलता ही लाभो ||१||

दे सद्बुद्धी, दे समृद्धी, ने प्रगतीस्तव तू सर्वांना

विश्वबंधुता विश्वएकता, दे ही भावना तू सर्वांना

करितो कामना हे दाता तुज. विश्वशांतता ही लाभो ||२||

रिम झिम रिम झिम

रिम-झिम, रिम-झिम, रिम-झिम, रिम-झिम ||

पडतो आहे पाऊस माझ्या लाडाचा |

खेळगडी हा बालपणीचा अंगणातल्या झाडाचा || रिम-झिम...||धृ||

कौलारांवर ठेका धरुनी, 

टपटप तबला वाजवितो |

वाऱ्यावरती असा झुले की

झोपाळ्याला लाजवितो || रिम-झिम...||१||

हिरव्या-हिरव्या कुरणावरती,

नाचत पाऊल टाकतसे |

तळ्यात आपुले रूप पहाया,

आभाळातून वाकतसे || रिम-झिम...||२||

मोर पिसापरी नाजूकशी सर,

गालावरुनी फिरवितसे |

मेघांच्या पालखीत बसूनी,

पाऊस राजा मिरवितसे || रिम-झिम...||३||

शिक्षण आमचा हक्क आहे

शिक्षण आमुचा हक्क आहे, आम्ही तो बजावणार

रोज शाळेत जाऊन आम्ही खूप खूप शिकणार 

खूप मित्र, मैत्रिणी मज्जाच मज्जा येणार

अभ्यास, खेळ, नाच, गाणे यात आम्ही रमणार

परीक्षेचा ताण नाही, सहज शिकत राहणार

आनंदाने पुढच्या वर्गात नक्कीच आम्ही जाणार

वाचन, लेखन, गणिताबरोबर गाणी आम्ही म्हणणर

सुंदर सुंदर चित्रे काढून त्यात रंगही भरणार

अपंग, अंध, विकालांगांना मदत आम्ही करणार

सारे मिळून अभ्यास करून मोठे आम्ही होणार

जात, धर्म नि पंथ वेगळे, तरीही एक होणार

भिन्न संस्कृती आणिक भाषा सारे आम्ही शिकणार 

सातत्याने अभ्यासात आम्ही पुढे जाणार

हक्क आमुचा शिकण्याचा पूर्णत्वाला नेणार

स्वप्न आमुच्या प्रगतीचे सत्यामध्ये येणार

भारतमातेला यशाच्या शिखरावरती नेणार